کیلیفورنیا( ویب ڈیسک)ٹیکنالوجی کمپنی گوگل نے تقریباً چھ سال کے وقفے کے بعد اپنا نیا مکمل اسمارٹ اسپیکر متعارف کرا دیا ہے، جو اس کے گھریلو آڈیو ڈیوائسز کے شعبے میں ایک اہم پیش رفت قرار دی جا رہی ہے۔یہ سال گوگل کے ہوم آڈیو آلات کے سفر کا دسواں سال ہے، جس دوران کمپنی نے مختلف اسمارٹ اسپیکرز اور ڈیوائسز پیش کیں۔ تاہم ستمبر 2020 میں نیسٹ آڈیو کے بعد اس شعبے میں کوئی نئی ڈیوائس سامنے نہیں آئی تھی۔اسی دوران گوگل کا جدید مصنوعی ذہانت پر مبنی نظام جیمینائی پہلے ہی موجودہ نیسٹ اسمارٹ اسپیکرز اور اسمارٹ ڈسپلے ڈیوائسز میں شامل کیا جا رہا ہے، جس سے ان کی کارکردگی میں مزید بہتری آ رہی ہے۔نیا ڈیوائس، جسے ہوم گوگل اسپیکر کہا جا رہا ہے، پہلی بار گزشتہ سال اس وقت خبروں میں آیا تھا جب فارمولا ون ڈرائیور لینڈو نورس کی ایک ویڈیو میں ایک غیر واضح ڈیوائس نظر آئی تھی جس پر ٹیکنالوجی حلقوں میں قیاس آرائیاں شروع ہو گئیں۔گوگل کی جانب سے یہ نیا اسمارٹ اسپیکر اب پیشگی آرڈر کے لیے دستیاب ہے، اور اسے کمپنی کے اسمارٹ ہوم ایکو سسٹم میں ایک اہم اضافہ قرار دیا جا رہا ہے۔
