کراچی( کامرس ڈیسک) ڈپٹی گورنر اسٹیٹ بینک سلیم اللہ نے کہا ہے کہ یکم جنوری 2028 سے حکومت کا قرض شریعہ اصولوں کے مطابق کر دیا جائے گا۔کراچی میں ایک تقریب سے خطاب کرتے ہوئے سلیم اللہ نے کہا کہ گزشتہ چند برسوں کے دوران پاکستان میں اسلامی بینکاری کے شعبے میں نمایاں پیش رفت ہوئی ہے۔انہوں نے بتایا کہ بینکوں کے مجموعی ڈپازٹس میں 29 فیصد حصہ اسلامی بینکاری کا ہے، جبکہ بینکنگ شعبے کے کل قرضوں میں سے 40 فیصد اسلامی بینکوں کی جانب سے فراہم کیے گئے ہیں۔ڈپٹی گورنر اسٹیٹ بینک کا کہنا تھا کہ ملک میں اسلامی بینکاری کے فروغ کے لیے اقدامات جاری ہیں اور اس شعبے میں نمایاں ترقی دیکھی جا رہی ہے۔
