وزیراعظم سے گورنر سندھ کی ملاقات، اہم امور اور علاقائی صورتحال پر تبادلہ خیال

اسلام آباد (پاکستان خبر) وزیراعظم شہباز شریف سے گورنر سندھ نہال ہاشمی نے ملاقات کی، جس میں اہم قومی و علاقائی امور پر تبادلہ خیال کیا گیا۔ملاقات کے دوران گورنر سندھ نے امریکا اور ایران کے درمیان جنگ بندی اور خطے میں امن کے لیے جاری کوششوں پر وزیراعظم کو خراج تحسین پیش کیا اور نیک خواہشات کا اظہار کیا، جبکہ انہیں سندھ کے مختلف امور سے بھی آگاہ کیا۔دریں اثنا نہال ہاشمی نے نائب وزیراعظم اسحاق ڈار سے بھی ملاقات کی، جس میں گورننس، معاشی ترقی اور عوامی فلاح سے متعلق معاملات پر تفصیلی گفتگو ہوئی۔اس موقع پر اسحاق ڈار نے نہال ہاشمی کو نئی ذمہ داری سنبھالنے پر مبارکباد دی اور ان کے لیے نیک تمناؤں کا اظہار کیا۔وفاقی حکومت کی جانب سے اس عزم کا اعادہ کیا گیا کہ صوبوں میں ترقی اور خوشحالی کے لیے ہر ممکن تعاون جاری رکھا جائے گا۔