اسلام آباد( پاکستان خبر) وفاقی حکومت نے بانی چیئرمین پی ٹی آئی عمران خان کو نجی اسپتال منتقل کرنے کے عدالتی فیصلے پر نظرثانی کی درخواست سپریم کورٹ میں جمع کرا دی۔چیف کمشنر اسلام آباد کی جانب سے ایڈووکیٹ جنرل اسلام آباد کے ذریعے دائر درخواست میں مؤقف اختیار کیا گیا ہے کہ سپریم کورٹ نے 18 اگست کو عبوری حکم کے ذریعے عمران خان کو شفا اسپتال منتقل کرنے کی ہدایت کی، تاہم یہ فیصلہ عدالت کے دائرہ اختیار سے تجاوز ہے، اس لیے اس پر نظرثانی کی جائے۔واضح رہے کہ سپریم کورٹ نے گزشتہ روز عمران خان کو نجی اسپتال منتقل کرنے کا حکم دیتے ہوئے ان کے طبی معائنے کے لیے میڈیکل بورڈ تشکیل دینے کی ہدایت بھی کی تھی۔پاکستان تحریک انصاف نے عدالتی فیصلے کا خیرمقدم کرتے ہوئے کہا تھا کہ وہ حکم کی پاسداری کرے گی اور عمران خان کے سیاسی معاملات پر کسی قسم کی سیاست نہیں کی جائے گی۔دوسری جانب وفاقی وزیر قانون اعظم نذیر تارڑ نے پہلے ہی عندیہ دیا تھا کہ حکومت نجی اسپتال منتقلی کے عدالتی فیصلے پر نظرثانی کی درخواست دائر کرے گی، تاکہ عمران خان کا طبی معائنہ سرکاری اسپتال میں کرایا جاسکے۔
