گوادر( پاکستان خبر) الیکشن کمیشن نے گوادر میونسپل کمیٹی اور متعلقہ یونین کونسلوں کی خالی نشستوں پر ضمنی بلدیاتی انتخابات کا شیڈول جاری کر دیا ہے۔اعلامیے کے مطابق گوادر میونسپل کمیٹی کے وارڈ نمبر 20 اور 21، یونین کونسل نمبر 3 کے وارڈ نمبر 4 اور یونین کونسل نمبر 10 کے وارڈ نمبر 5 پر انتخابات منعقد کیے جائیں گے۔الیکشن کمیشن کے مطابق امیدوار یکم جولائی سے 3 جولائی 2026 تک اپنے کاغذاتِ نامزدگی ریٹرننگ افسر گوادر کے دفتر میں صبح 9 بجے سے شام 4 بجے تک جمع کروا سکیں گے۔اعلامیے میں بتایا گیا ہے کہ کاغذاتِ نامزدگی کی جانچ پڑتال کا عمل 6 سے 8 جولائی تک مکمل کیا جائے گا، جبکہ امیدواروں کو 18 جولائی 2026 تک اپنے کاغذات واپس لینے کی اجازت ہوگی۔الیکشن کمیشن کے مطابق ان نشستوں پر پولنگ 9 اگست 2026 کو ہوگی، جس کے لیے تمام انتظامات کو حتمی شکل دی جا رہی ہے۔
