لاہور (پاکستان خبر)امیر جماعت اسلامی پاکستان حافظ نعیم الرحمان نے کہا ہے کہ صومالی قزاقوں سے پاکستانیوں کی رہائی کیلئے حکومت بروقت مؤثر اقدامات نہ کرسکی، جس کے باعث 3 پاکستانی شہری جاں بحق ہوئے۔ لاہور سے جاری بیان میں انہوں نے کہا کہ متاثرہ خاندانوں نے مختلف سطحوں پر آواز اٹھائی اور احتجاج بھی کیا، تاہم کراچی میں ان کا احتجاجی کیمپ بھی ہٹا دیا گیا۔ حافظ نعیم نے حکومت سے مطالبہ کیا کہ واقعے کی ذمہ داری کا تعین کرکے حقائق قوم کے سامنے لائے جائیں۔
