اسلام آباد( پاکستان خبر)عالمی سطح پر کشیدہ صورتحال کے باوجود حج 2026 کے انتظامات کا شیڈول جاری کر دیا گیا ہے۔ترجمان مذہبی امور کا کہنا ہے کہ عازمین حج کے ویزوں کے اجرا کا عمل تیزی سے جاری ہے اور حج پروازوں کا شیڈول عیدالفطر کے بعد جاری کیا جائے گا۔ترجمان نے بتایا کہ مکہ اور مدینہ منورہ میں رہائشوں سمیت دیگر انتظامات مکمل کیے جا رہے ہیں۔ انہوں نے عازمین حج سے اپیل کی کہ وہ افواہوں اور غیر مصدقہ خبروں پر کان نہ دھریں کیونکہ حج 2026 کے انتظامات بروقت مکمل کیے جا رہے ہیں۔انہوں نے مزید کہا کہ حج سے متعلق مستند معلومات صرف سرکاری اعلانات، ویب سائٹ اور پاک حج ایپ سے حاصل کی جائیں۔
