حسن علی ٹی ٹوئنٹی کرکٹ میں تیز ترین تین سو پچاس وکٹیں لینے والے بولر بن گئے

لاہور ( سپورٹس ڈیسک)پاکستانی فاسٹ بولر حسن علی نے ٹی ٹوئنٹی کرکٹ میں ایک نیا عالمی ریکارڈ قائم کر دیا ہے اور وہ اس فارمیٹ میں تیز ترین تین سو پچاس وکٹیں حاصل کرنے والے بولر بن گئے ہیں۔انہوں نے یہ اعزاز گزشتہ روز وائٹلٹی بلاسٹ لیگ میں لیسٹر شائر کے خلاف میچ کے دوران چار وکٹیں حاصل کر کے حاصل کیا۔چیمپئنز ٹرافی دو ہزار سترہ کے بہترین بولر حسن علی نے یہ سنگ میل صرف دو سو تینتالیس میچز میں مکمل کیا۔اس سے قبل یہ ریکارڈ افغان اسپنر راشد خان کے پاس تھا جنہوں نے دو سو اکیاون میچز میں تین سو پچاس وکٹیں مکمل کی تھیں۔حسن علی کی اس شاندار کارکردگی کو ٹی ٹوئنٹی کرکٹ میں ایک اہم سنگ میل قرار دیا جا رہا ہے۔