اسلام آباد (کامرس ڈیسک)پاکستان میں پیٹرولیم مصنوعات کی قیمتوں میں کمی کا امکان ظاہر کیا جا رہا ہے۔ذرائع کے مطابق وزیرِ اعظم شہباز شریف آج سوئٹزرلینڈ کے شہر زیورخ روانگی سے قبل ایک مختصر ویڈیو بیان جاری کریں گے۔ اسی دوران وہ پیٹرولیم مصنوعات کی قیمتوں سے متعلق ایک اہم اجلاس کی صدارت بھی کریں گے۔ذرائع کا کہنا ہے کہ حکومت کی جانب سے آئندہ مرحلے میں پیٹرول اور ڈیزل کی قیمتوں میں کمی پر غور کیا جا رہا ہے، جس کا باضابطہ اعلان متوقع ہے۔اسی اطلاعات کے بعد ملک بھر میں پیٹرول پمپس پر صارفین کے رویے میں تبدیلی دیکھی گئی ہے۔ پیٹرول پمپس کے عملے کے مطابق گزشتہ روز کے مقابلے میں صارفین کی تعداد میں کمی آئی ہے کیونکہ لوگ محدود مقدار میں ایندھن حاصل کر رہے ہیں۔عملے کا کہنا ہے کہ شہریوں کی بڑی تعداد صرف دو روز کے استعمال کے لیے پیٹرول اور ڈیزل خرید رہی ہے، اس توقع کے ساتھ کہ آئندہ دنوں میں قیمتوں میں واضح کمی ہو سکتی ہے۔
