لبنان میں اسرائیلی حملے میں ہیلتھ سینٹر تباہ، 12 طبی کارکن جاں بحق

بیروت( مانیٹرنگ ڈیسک) لبنان کے جنوبی علاقے میں اسرائیلی حملے کے نتیجے میں ایک ہیلتھ کیئر سینٹر کو نشانہ بنایا گیا، جس میں کم از کم 12 طبی کارکن جاں بحق ہو گئے ہیں۔میڈیا رپورٹس کے مطابق لبنان کی وزارتِ صحت نے بتایا کہ بورج قلاوئی نامی قصبے میں ہونے والے اس حملے میں ڈاکٹر، پیرا میڈیکس اور نرسیں شامل ہیں۔وزارتِ صحت نے مزید بتایا کہ حملے میں ایک ہیلتھ ورکر زخمی ہوا ہے اور لاپتہ افراد کی تلاش کے لیے امدادی کارروائیاں جاری ہیں۔