رائے پور (مانیٹرنگ ڈیسک) بھارتی حکومت پر سیاسی مفادات کیلئے اقلیتوں کے خلاف نفرت اور تفریق کو ہوا دینے کے الزامات عائد کیے گئے ہیں۔عالمی جریدے دی کرسچن پوسٹ کے مطابق بھارتی ریاست چھتیس گڑھ میں ایک مسیحی خاتون کی تدفین کیلئے اہلخانہ کو ہندو مذہبی رسومات اختیار کرنے پر مجبور کیا گیا۔مقامی پادری نے اس اقدام کو ظلم کی انتہا قرار دیتے ہوئے کہا کہ بھارت میں اب مرنے والے بھی محفوظ نہیں رہے۔رپورٹ میں کہا گیا ہے کہ بھارتیہ جنتا پارٹی کے زیرِ اقتدار چھتیس گڑھ مسیحی برادری کے خلاف مبینہ پرتشدد حملوں اور مذہبی مظالم کا مرکز بن چکا ہے۔
