ٹی 20 ورلڈ کپ فائنل کے سبب احمد آباد کی ہوٹل و فلائٹ کی قیمتیں آسمان سے باتیںکرنے لگیں

احمد آباد( سپورٹس ڈیسک) ٹی 20 ورلڈ کپ 2026 کے فائنل میں بھارت اور نیوزی لینڈ کے مدمقابل ہونے کی وجہ سے احمد آباد میں ہوٹل اور فلائٹ کی قیمتوں میں بے پناہ اضافہ دیکھنے میں آیا ہے۔میڈیا رپورٹ کے مطابق شہر کے ہوٹلوں میں کمروں کے نرخ 300 سے 400 فیصد تک بڑھ گئے ہیں۔ جہاں پہلے پانچ ہزار سے بیس ہزار روپے میں کمروں کی بکنگ ہوتی تھی، وہ فائنل کی وجہ سے پندرہ ہزار سے پچاس ہزار روپے تک پہنچ گئی۔شہریوں اور کرکٹ کے شائقین کو فلائٹ کے اخراجات میں بھی کافی اضافے کا سامنا کرنا پڑا۔ ممبئی سے احمد آباد کے لیے ٹکٹ عام طور پر تین سے چار ہزار روپے میں دستیاب ہوتے تھے، لیکن اب یہ پندرہ سے سترہ ہزار روپے تک جا پہنچے ہیں۔ماہرین کے مطابق اس قسم کے بڑے میچ کے دوران ہوٹل اور سفری اخراجات میں اضافہ معمول کی بات ہے، لیکن اس مرتبہ قیمتوں کا اتنا زیادہ ہونا صارفین کے لیے چیلنج بن گیا ہے۔