پشاور (پاکستان خبر) وزیراعلیٰ خیبر پختونخوا سہیل آفریدی نے وفاقی حکومت کو مذاکرات کی پیشکش کرتے ہوئے کہا ہے کہ بات چیت سے ہم کبھی پیچھے نہیں ہٹے۔سینئر صحافیوں سے گفتگو کرتے ہوئے سہیل آفریدی نے کہا کہ 27 ستمبر کی کال میں اب 7 دن باقی ہیں، حکومت مذاکرات کرنا چاہتی ہے تو کر لے، بعد میں بھی بات چیت ہونی ہے تو ابھی کیوں نہیں کرتے؟وزیراعلیٰ نے کہا کہ ہم کل بھی مذاکرات کے لیے تیار تھے اور آج بھی ہیں، مذاکرات سے کبھی پیچھے نہیں ہٹے۔ ان کا دعویٰ تھا کہ مرکزی حکمران ہماری اور اسٹیبلشمنٹ کے درمیان بات نہیں بننے دیتے۔سہیل آفریدی نے کہا کہ گزشتہ 9 ماہ سے ہر ادارے سے رجوع کر رہے ہیں لیکن شنوائی نہیں ہو رہی، اسی لیے مجبوراً 27 ستمبر کی کال دی۔ مارچ میں ابھی 7 دن باقی ہیں، اس دوران حکومت بات کرلے۔انہوں نے مزید کہا کہ اسٹیبلشمنٹ کے بیانیے کے ساتھ کچھ نہیں کیا جاسکتا، ملک میں ایک شخص کی پالیسی چل رہی ہے جس کے نمائندے محسن نقوی ہیں۔
