لاہور ( سپورٹس ڈیسک)لارڈز ٹیسٹ میں ناکامی کے بعد قومی ٹیم سے باہر کیے جانے والے امام الحق لاہور پہنچ گئے۔ذرائع کے مطابق امام الحق علامہ اقبال انٹرنیشنل ایئرپورٹ پر چہرے پر ماسک پہنے نظر آئے، جہاں سے وہ خاموشی سے اپنی رہائش گاہ روانہ ہوگئے۔امام الحق کے ہمراہ محمد رضوان بھی سفر کر رہے تھے، تاہم ان کی پرواز پشاور کے لیے مقرر تھی۔ادھر سلمان علی آغا اور علی عثمان کے حوالے سے بتایا جا رہا ہے کہ دونوں نے ٹیم ہوٹل خالی کردیا ہے اور اپنے رشتہ داروں کے پاس کسی دوسرے شہر روانہ ہوگئے ہیں۔برمنگھم ٹیسٹ کے لیے اسکواڈ کا حصہ بننے والے عرفات منہاس آج قومی ٹیم کو جوائن کریں گے۔
