لاہور ( سپورٹس ڈیسک)انگلینڈ کے خلاف لارڈز میں جاری دوسرے ٹیسٹ کے دوران پاکستان کو اہم کھلاڑی کی انجری کا سامنا کرنا پڑ گیا۔ٹیسٹ کے پہلے روز فیلڈنگ کرتے ہوئے اوپننگ بیٹر امام الحق کی بائیں پنڈلی میں کھچاؤ پیدا ہوگیا۔ طبی معائنے اور اسکین میں پنڈلی کے پٹھے میں معمولی نوعیت کی چوٹ کی تصدیق ہوئی ہے۔امام الحق اس وقت قومی ٹیم کے طبی عملے کی نگرانی میں زیر علاج ہیں۔ ذرائع کے مطابق ٹیسٹ کے باقی میچ میں ان کی شرکت صحتیابی اور علاج میں پیش رفت سے مشروط ہوگی۔
