آئی ایم ایف کا وفد پاکستان پہنچ گیا، اسٹیٹ بینک کے ساتھ معاشی کارکردگی پر تبادلہ خیال ہو گا

اسلام آباد( کامرس ڈیسک)عالمی مالیاتی ادارے (آئی ایم ایف) کا وفد اہم دورے پر پاکستان پہنچ گیا اور اسٹیٹ بینک حکام سے ملاقات کی۔ ملاقات کے دوران آئی ایم ایف کے وفد کو اسٹیٹ بینک کی جانب سے ملک کی معاشی کارکردگی اور متعلقہ ڈیٹا پر بریفنگ دی جائے گی۔ذرائع کے مطابق پہلے مرحلے میں ٹیکنیکل ڈیٹا شیئرنگ ہوگی، جس میں آئی ایم ایف وفد کو جولائی تا جنوری مالی سال کی معاشی صورتحال سے آگاہ کیا جائے گا۔ڈیٹا شیئرنگ سیشن کے دوران آئی ایم ایف مشن اور اسٹیٹ بینک کے ماہرین کے درمیان زرمبادلہ کے ذخائر میں بہتری اور دیگر اہم اقتصادی عوامل پر تفصیلی تبادلہ خیال کیا جائے گا۔