امریکا اور ایران جنگ بندی کا خیرمقدم، عالمی معیشت کو چیلنجز کا سامنا: آئی ایم ایف

واشنگٹن( مانیٹرنگ ڈیسک) عالمی مالیاتی ادارے (آئی ایم ایف) کی منیجنگ ڈائریکٹر کرسٹالینا جارجیوا نے امریکا اور ایران کے درمیان جنگ بندی کے معاہدے کا خیرمقدم کیا ہے۔انہوں نے اپنے بیان میں کہا کہ جنگ بندی کا معاہدہ ایک مثبت پیش رفت ہے، تاہم توانائی کے بحران اور سپلائی چین میں پیدا ہونے والے تعطل کو مکمل طور پر ختم ہونے میں وقت لگے گا۔آئی ایم ایف سربراہ کے مطابق تنازع کے دوران بنیادی ڈھانچے کو پہنچنے والے نقصان کے باعث سپلائی کی بحالی فوری طور پر ممکن نہیں ہو سکے گی۔انہوں نے مزید کہا کہ عالمی معیشت کو اس صورتحال کے اثرات سے نمٹنے کے لیے مزید وقت اور استحکام کی ضرورت ہوگی۔