ایران پر حملوں کے اثرات: پاکستان میں سونے کی قیمتیں ریکارڈ سطح پر پہنچ گئیں

کراچی( کامرس ڈیسک) ایران پر حملوں کے اثرات کے باعث پاکستان کی گولڈ مارکیٹس میں سونے کی قیمتوں میں نمایاں اضافہ دیکھنے میں آیا ہے۔آل پاکستان صرافہ جیمز اینڈ جیولرز ایسوسی ایشن کے مطابق فی تولہ سونا 13 ہزار 300 روپے بڑھ کر 5 لاکھ 63 ہزار 862 روپے ہو گیا، جبکہ 10 گرام سونے کے بھاؤ 11 ہزار 402 روپے کے اضافے سے 4 لاکھ 83 ہزار 420 روپے تک پہنچ گئے۔چاندی کی فی تولہ قیمت بھی 188 روپے بڑھ کر 10 ہزار 50 روپے ہو گئی۔ عالمی مارکیٹ میں فی اونس سونا 133 ڈالر مہنگا ہو کر 5,411 ڈالر پر پہنچ گیا۔واضح رہے کہ گزشتہ کاروباری ہفتے کے آخری دن بھی سونے اور چاندی کی قیمتوں میں اضافہ ریکارڈ کیا گیا تھا، جس سے سرمایہ کاروں اور صرافہ مارکیٹ میں ہلچل برقرار ہے۔