عمران خان کی ہسپتال منتقلی، حکومتی نظرثانی درخواست اعتراض لگا کر واپس

اسلام آباد( پاکستان خبر) سپریم کورٹ نے عمران خان کو ہسپتال منتقل کرنے کے فیصلے کے خلاف حکومت کی نظرثانی درخواست رجسٹرار آفس کے اعتراضات کے ساتھ واپس کردی۔ذرائع کے مطابق رجسٹرار آفس نے درخواست پر متعدد اعتراضات عائد کیے ہیں، جن میں پیپر بکس مکمل نہ ہونے کا اعتراض بھی شامل ہے۔ذرائع کا کہنا ہے کہ رجسٹرار آفس کے اعتراضات دور کرنے کے بعد حکومت نظرثانی درخواست دوبارہ دائر کرے گی۔واضح رہے کہ سپریم کورٹ نے دو روز قبل عمران خان کو شفا ہسپتال منتقل کرنے کا حکم دیا تھا، تاہم تاحال انہیں ہسپتال منتقل نہیں کیا گیا۔بعد ازاں چیف کمشنر اسلام آباد نے ایڈووکیٹ جنرل اسلام آباد کے ذریعے عمران خان کی ہسپتال منتقلی سے متعلق عدالتی فیصلے پر نظرثانی کی درخواست دائر کی تھی۔