بھارت نے پاکستان کے ساتھ کشیدگی کے دوران ہلاک ہونے والے 6 فوجیوں کی شناخت ظاہر کر دی

ممبئی( مانیٹرنگ ڈیسک) سچ چھپائے نہ چھپ سکا، مودی حکومت نے پاکستان کے ساتھ کشیدگی کے دوران ہلاک ہونے والے اپنے فوجیوں کی شناخت ظاہر کر دی ہے۔گزشتہ سال پاکستان کے خلاف مبینہ جارحیت کے دوران ہلاک ہونے والے چھ بھارتی فوجیوں کی شناخت سامنے آئی ہے۔ بھارتی میڈیا کے مطابق ہلاک ہونے والوں میں بھارتی فوج کے پانچ اور فضائیہ کا ایک اہلکار شامل ہے۔ہلاک ہونے والے فوجیوں میں صوبیدار میجر پون کمار، لانس نائیک دنیش کمار، حوالدار سنیل کمار، مرلی نائیک، ویر چکرا اور بھارتی فضائیہ کے سارجنٹ سریندر کمار شامل ہیں۔بھارت کی جانب سے اس سے قبل کسی بھی اہلکار کی سرکاری سطح پر شناخت ظاہر نہیں کی گئی تھی۔بھارتی فضائیہ کے پائلٹس اور ایس 400 فضائی دفاعی نظام کے عملے کے بارے میں بھی تاحال کوئی باضابطہ اعلان سامنے نہیں آیا۔Narendra Modi کی حکومت کے اس اقدام کو بھارتی میڈیا میں اہم پیش رفت قرار دیا جا رہا ہے۔