نئی دہلی( مانیٹرنگ ڈیسک) بھارتی خلائی ایجنسی انڈین اسپیس ریسرچ آرگنائزیشن کو ایک بار پھر ناکامی کا سامنا کرنا پڑا جب اس کا راکٹ لانچ کے تیسرے مرحلے میں ناکام ہو گیا، جس کے نتیجے میں 16 سیٹلائٹس خلا میں ضائع ہو گئے۔بھارتی میڈیا رپورٹس کے مطابق یہ ناکامی راکٹ کے تیسرے اسٹیج میں تکنیکی خرابی کے باعث ہوئی۔ انڈیا ٹو ڈے کے مطابق یہ صرف ایک تکنیکی حادثہ نہیں بلکہ بھارتی خلائی پروگرام میں مسلسل کمزوریوں کا ایک اور ثبوت ہے۔واضح رہے کہ 18 مئی 2025 کو PSLV-C61 مشن بھی اسی مرحلے میں خرابی کے باعث ناکام ہو چکا ہے۔ مسلسل ناکامیوں نے بھارت کی خلائی ٹیکنالوجی اور اس سے جڑے اسٹرٹیجک نظاموں پر سنجیدہ سوالات کھڑے کر دیے ہیں۔تجزیہ کاروں کا کہنا ہے کہ PSLV راکٹ میں استعمال ہونے والی بعض ٹیکنالوجیز بھارت کے اگنی میزائل پروگرام سے بھی جڑی ہوئی ہیں، جس سے خدشات میں اضافہ ہوا ہے۔ ان کے مطابق اگر خلائی راکٹ میں یہ خامیاں سامنے آ رہی ہیں تو یہی مسائل کسی جنگی صورتحال میں اسٹرٹیجک میزائل سسٹمز کے لیے بھی خطرہ بن سکتے ہیں۔
