لاہور ( سپورٹس ڈیسک) آسٹریلوی لیگ اسپنر ایڈم زیمپا نے کہا ہے کہ طویل دورانیے کے باعث انڈین پریمیئر لیگ غیر ملکی کھلاڑیوں کے لیے مشکل ثابت ہوتی ہے، اسی وجہ سے انہوں نے اس بار پاکستان سپر لیگ کو ترجیح دی۔ایک انٹرویو میں ان کا کہنا تھا کہ مختصر دورانیے کی ٹی ٹوئنٹی لیگز کھلاڑیوں کے لیے زیادہ موزوں ہوتی ہیں اور انہیں بہتر کارکردگی کا موقع فراہم کرتی ہیں۔زیمپا نے بتایا کہ اگرچہ ان کا ابتدائی منصوبہ اس سیزن میں آرام کرنے کا تھا، تاہم پاکستان سپر لیگ کے مختصر شیڈول نے انہیں شرکت پر آمادہ کیا۔انہوں نے کہا کہ انڈین پریمیئر لیگ تقریباً ڈھائی ماہ تک جاری رہتی ہے، جس کی مدت کم کرکے کھلاڑیوں کو زیادہ سہولت دی جا سکتی ہے۔
