کراچی (پاکستان خبر) جوڈیشل مجسٹریٹ شرقی کی عدالت نے عوام راج پارٹی کے سربراہ اور معروف سابق ٹی وی اینکر اقرار الحسن کو سوشل میڈیا پر ریاست مخالف مواد پوسٹ کرنے کے مقدمے میں عدالتی ریمانڈ پر جیل بھیج دیا۔مقدمے کی سماعت کے دوران سائبر کرائم حکام نے ملزم اقرار الحسن کو جوڈیشل مجسٹریٹ گلریز میمن کی عدالت میں پیش کیا، جہاں عدالت نے انہیں عدالتی ریمانڈ پر جیل بھیجنے کا حکم دیا۔عدالت نے نیشنل سائبر کرائم انویسٹی گیشن ایجنسی (این سی سی آئی اے) کو 14 روز میں مقدمے کا چالان پیش کرنے کی ہدایت بھی کی۔دوسری جانب اقرار الحسن کے وکیلِ صفائی نے ان کی رہائی کے لیے درخواست ضمانت بھی دائر کردی ہے۔
