واشنگٹن( مانیٹرنگ ڈیسک) امریکی صدر ڈونلڈ ٹرمپ نے ایران کو 300 ملین ڈالرز دینے سے متعلق خبروں کو مسترد کرتے ہوئے اسے جھوٹی اور بے بنیاد قرار دیا ہے۔اپنے بیان میں صدر ٹرمپ نے کہا کہ اس قسم کی خبریں ڈیموکریٹس کی جانب سے پھیلائی جا رہی ہیں اور ان میں کوئی صداقت نہیں۔انہوں نے مزید کہا کہ ایران نے اس بات پر اتفاق کیا ہے کہ وہ کبھی بھی جوہری ہتھیار حاصل نہیں کرے گا۔اس سے قبل امریکی نائب صدر جے ڈی وینس سے ایک انٹرویو میں پوچھا گیا تھا کہ آیا ایران کو 300 ارب ڈالر کے تعمیر نو فنڈ تک رسائی دی جائے گی۔ اس پر انہوں نے کہا تھا کہ اگر ایران اپنی ذمہ داریاں پوری کرتا ہے تو اس قسم کی مالی سہولتوں پر غور کیا جا سکتا ہے۔
