تہران( مانیٹرنگ ڈیسک)عالمی میڈیا کے مطابق ایران نے امریکا اور اسرائیل کے مشترکہ حملوں کے بعد جواباً اسرائیل کے شمالی علاقوں کی جانب 30 میزائل داغ کر فاتح خیبر نامی میزائل آپریشن کا آغاز کیا ہے۔اسرائیلی حکام نے شہریوں کو فوری طور پر شیلٹرز میں جانے کی ہدایت جاری کی اور دفاعی نظام کو فعال کر دیا ہے تاکہ خطرے سے نمٹا جا سکے۔عالمی ذرائع کے مطابق بحرین میں بھی دھماکوں کی آوازیں سنی گئیں، جہاں امریکی بحری بیڑے کی سائٹ میں دھواں اٹھتے ہوئے دیکھا گیا۔قطر نے فضا میں داغے گئے ایرانی میزائلوں کو نشانہ بنا کر تباہ کیا جبکہ متحدہ عرب امارات نے کشیدگی کے پیش نظر اپنی فضائی حدود بند کر دی ہیں۔ماہرین کے مطابق خطے میں تناؤ میں اضافہ ہوا ہے اور عالمی برادری صورتحال پر گہری نظر رکھے ہوئے ہے۔
