واشنگٹن (مانیٹرنگ ڈیسک) امریکی اخبار وال اسٹریٹ جرنل نے اپنی رپورٹ میں خدشہ ظاہر کیا ہے کہ ایران جنگ جنوری 2029ء تک جاری رہ سکتی ہے۔امریکی میڈیا کے مطابق نائب صدر جے ڈی وینس اور وزیر خارجہ مارکو روبیو نے صدر ڈونلڈ ٹرمپ کو اس حوالے سے اپنے خدشات سے آگاہ کردیا ہے۔ رپورٹ میں کہا گیا ہے کہ ایران امریکی دباؤ، بحری ناکہ بندی اور پابندیوں کے باوجود مزاحمت جاری رکھ سکتا ہے، جبکہ امریکا نے مشرق وسطیٰ میں اپنی فوجی موجودگی برقرار رکھنے کی تیاری کرلی ہے۔رپورٹ کے مطابق بعض امریکی فضائی دفاعی یونٹس کی تعیناتی 2027ء تک بڑھائی جارہی ہے، جبکہ مزید میرین فورسز اور جنگی طیاروں کی خطے میں گردش بھی جاری رہے گی۔ ایران کے میزائل حملوں سے خلیجی ممالک کی توانائی تنصیبات کو خطرہ لاحق ہونے کا خدشہ ظاہر کیا گیا ہے۔وال اسٹریٹ جرنل کے مطابق جنگ طویل ہونے کی صورت میں عالمی تیل منڈیوں میں مزید عدم استحکام پیدا ہوسکتا ہے۔
