تہران( کامرس ڈیسک)ایران جنگ اور ٹرمپ انتظامیہ کی جانب سے محصولات بڑھانے کے باعث امریکا میں ایندھن اور غذائی اشیا کی قیمتوں میں اضافہ ہوگیا۔امریکی ذرائع ابلاغ کے مطابق ایران جنگ کے بعد ملک میں ڈیزل کی قیمت بلند ترین سطح پر پہنچ گئی ہے۔امریکی محکمہ توانائی کے مطابق ڈیزل کی ہفتہ وار اوسط قیمت 20 سینٹ فی گیلن اضافے کے بعد 5.65 ڈالر فی گیلن ہوگئی۔امریکی آٹوموبائل ایسوسی ایشن کے مطابق مزید 20 سینٹ اضافے کی صورت میں ڈیزل کی قیمت 2022ء کے بعد بلند ترین سطح پر پہنچ جائے گی۔امریکی اخبار کے مطابق حکومتی پالیسیوں کے نتیجے میں کھاد، ایندھن اور زرعی مشینری مہنگی ہونے سے کسانوں کو مشکلات کا سامنا ہے۔
