تہران( مانیٹرنگ ڈیسک) ایرانی فوج نے امریکا کو ایران کے خلاف حملوں کے لیے اپنی سرزمین فراہم کرنے والے ممالک کو بھاری نتائج سے خبردار کردیا۔ایرانی مسلح افواج کے چیف آف اسٹاف لیفٹیننٹ جنرل علی عبداللہی نے کہا ہے کہ جو ممالک امریکا کو ایران پر حملوں کے لیے اپنی سرزمین استعمال کرنے کی اجازت دیں، انہیں معلوم ہونا چاہیے کہ ایران سے کوئی سرگرمی پوشیدہ نہیں رہ سکتی۔انہوں نے واضح کیا کہ امریکی فوج کو کسی بھی نوعیت کی سہولت فراہم کرنا ایران کے خلاف جنگ میں براہ راست شرکت تصور کیا جائے گا۔لیفٹیننٹ جنرل علی عبداللہی نے خبردار کیا کہ امریکا کو ایران کے خلاف حملوں کے لیے اپنی سرزمین دینے والے ممالک کو اس کی بھاری قیمت چکانا پڑے گی۔
