بیجنگ (مانیٹرنگ ڈیسک) ایرانی وزیر خارجہ عباس عراقچی مذاکرات کے سلسلے میں چین پہنچ گئے، جہاں انہوں نے چینی ہم منصب وانگ ای سے ملاقات کی۔ملاقات میں چین نے امریکا اور ایران پر زور دیا کہ وہ کشیدگی میں مزید اضافے سے گریز کرتے ہوئے مذاکرات کی میز پر واپس آئیں۔چینی وزیر خارجہ وانگ ای نے کہا کہ چین خطے میں کشیدگی بڑھنے اور اس کے یمن و بحیرہ احمر تک پھیلنے کا خواہاں نہیں۔انہوں نے امریکا اور ایران سے زیرِ التوا معاملات پر بامقصد مذاکرات کرنے اور اسلام آباد مفاہمتی یادداشت کے تحت طے پانے والے اتفاقِ رائے کی بنیاد پر مذاکراتی عمل بحال کرنے کا مطالبہ کیا۔وانگ ای کا کہنا تھا کہ واشنگٹن اور تہران کے درمیان جاری تنازع کسی بھی فریق کے مفاد میں نہیں۔
