تہران( مانیٹرنگ ڈیسک) ایرانی وزیر خارجہ عباس عراقچی نے امریکا کی جانب سے ایران پر عائد معاشی پابندیوں اور دباؤ کو شدید تنقید کا نشانہ بناتے ہوئے اسے اقتصادی دہشتگردی قرار دیا ہے۔عباس عراقچی نے امریکی صدر ڈونلڈ ٹرمپ کے حالیہ بیانات پر ردعمل دیتے ہوئے کہا کہ ایران کے خلاف واشنگٹن کی معاشی پالیسی صرف ایران ہی نہیں بلکہ عالمی معیشت اور مختلف ممالک کی خودمختاری کے لیے بھی خطرہ بن رہی ہے۔ایرانی وزیر خارجہ نے سماجی رابطے کی ویب سائٹ ایکس پر اپنے بیان میں امریکی اخبار نیویارک ٹائمز کی ایک رپورٹ کا حوالہ دیتے ہوئے کہا کہ امریکا کا قومی قرض تقریباً 40 ٹریلین ڈالر تک پہنچ چکا ہے۔ان کے مطابق واشنگٹن اپنی اندرونی معاشی مشکلات سے عالمی توجہ ہٹانے کے لیے ایران کے خلاف جارحانہ معاشی اقدامات اور دباؤ میں اضافہ کر رہا ہے۔
