ایران کی وعدۂ صادق 48ویں لہر، اسرائیل میں اہم مقامات پر حملوں کا دعویٰ

تہران( مانیٹرنگ ڈیسک) ایران نے آپریشن وعدۂ صادق کی 48ویں لہر کے دوران اسرائیل میں متعدد اہم مقامات کو نشانہ بنایا ہے، جس کا دعویٰ پاسدارانِ انقلاب نے کیا ہے۔میڈیا رپورٹس کے مطابق ایرانی پاسداران نے بتایا کہ اس لہر میں ڈرونز اور بیلسٹک میزائل استعمال کیے گئے اور حملوں کا ہدف صیہونی قیادت اور حساس سیکیورٹی مراکز تھے۔بعض سوشل میڈیا پوسٹس میں یہ بھی دعویٰ کیا جا رہا ہے کہ حملے تل ابیب اور دیگر اہم علاقوں کی جانب کیے گئے۔اسرائیل کی جانب سے ابھی تک ان حملوں کے دعوؤں کی مکمل تصدیق نہیں ہوئی ہے۔