اسلام آباد(پاکستان خبر)نائب وزیراعظم اور وزیر خارجہ اسحاق ڈار نے مدینہ منورہ میں مسجد نبوی ﷺ حاضری دی اور روضۂ رسول ﷺ پر عقیدت و احترام کے ساتھ سلام پیش کیا۔دفتر خارجہ کے مطابق اسحاق ڈار نے مسجد نبوی ﷺ میں نوافل ادا کیے اور پاکستان کی ترقی، خوشحالی اور امت مسلمہ کی بہتری کے لیے خصوصی دعائیں کیں۔اسحاق ڈار نے جبل اُحد کا بھی دورہ کیا جہاں انہوں نے حضرت امیر حمزہؓ کے مزار پر حاضری دی۔
