فرانس کی ایران کو جوہری ہتھیاروں سے روکنے کی مخالفت دوہرا معیار ہے، اسماعیل بقائی

تہران ( مانیٹرنگ ڈیسک)ایرانی وزارت خارجہ کے ترجمان اسماعیل بقائی نے کہا ہے کہ فرانس کی جانب سے ایران کے جوہری ہتھیار حاصل کرنے کی مخالفت دوہرا معیار ہے، کیونکہ فرانس خود جوہری ہتھیاروں کو آزادی اور سلامتی کی ضمانت سمجھتا ہے۔اسماعیل بقائی کا کہنا تھا کہ ایران نے کبھی جوہری ہتھیار حاصل کرنے کی کوشش نہیں کی، اس کے باوجود ملک کے پُرامن جوہری پروگرام کو بھی خطرہ قرار دیا جا رہا ہے۔انہوں نے کہا کہ جوہری طاقتوں کی اجارہ داری عالمی امن کے لیے سوالیہ نشان ہے، جبکہ موجودہ عالمی نظام چند طاقتور ممالک کی بالادستی کو فروغ دے رہا ہے۔ایرانی وزارت خارجہ کے ترجمان نے مزید کہا کہ حقیقی امن اسی وقت ممکن ہے جب تمام ممالک کے سلامتی اور تحفظ کے حق کو تسلیم کیا جائے۔