اسرائیل نے 37 بین الاقوامی تنظیموں کے لائسنس یکم جنوری سے معطل کر دیے

تل ابیب( مانیٹرنگ ڈیسک) اسرائیل نے غزہ اور مقبوضہ مغربی کنارے میں کام کرنے والی 37 بین الاقوامی تنظیموں کے لائسنس منسوخ کرنے کا اعلان کیا ہے۔اسرائیلی حکام کے مطابق یہ تنظیمیں نئے رجسٹریشن قوانین کے تحت مقرر کردہ شرائط پوری کرنے میں ناکام رہیں، جن میں اپنے عملے کی مکمل ذاتی تفصیلات فراہم کرنا بھی شامل تھا۔ لائسنس یکم جنوری سے معطل ہو جائیں گے۔اس اقدام پر 10 ممالک نے اسرائیلی حکام کی مذمت کی ہے۔ برطانیہ اور یورپی یونین نے بھی غزہ میں اس کے ممکنہ شدید اثرات کے بارے میں انتباہ جاری کیا تھا۔