بیروت(مانیٹرنگ ڈیسک)بیروت میں عرب میڈیا کے مطابق جنوبی لبنان کے مختلف علاقوں پر اسرائیلی فضائیہ نے متعدد حملے کیے ہیں، جبکہ سرحدی علاقوں میں کشیدگی میں اضافہ دیکھا جا رہا ہے۔رپورٹس کے مطابق اسرائیلی حملوں میں ضلع نبطیہ کے علاقے کفر تبنیت کے نواحی علاقوں کو نشانہ بنایا گیا، جبکہ النبطیہ الفوقا قصبے پر بھی فضائی حملے کیے گئے۔مزید بتایا گیا ہے کہ اسرائیلی افواج نے علی الطاہر کی پہاڑیوں اور اطراف کے علاقوں میں گولہ باری بھی کی۔دوسری جانب لبنانی تنظیم حزب اللہ کی جانب سے جوابی کارروائی کرتے ہوئے اسرائیلی فوجی پوزیشنوں پر کم از کم 10 راکٹ داغے گئے۔عرب میڈیا کے مطابق سرحدی علاقے میں کشیدگی برقرار ہے جبکہ دونوں جانب سے کارروائیوں کے بعد صورتحال مزید حساس ہو گئی ہے۔
