نبطیہ( مانیٹرنگ ڈیسک)جنوبی لبنان کے ضلع نبطیہ پر اسرائیلی فضائی حملوں میں 16 افراد جاں بحق جبکہ متعدد زخمی ہو گئے ہیں۔لبنانی سرکاری خبر ایجنسی کے مطابق نبطیہ کے مختلف علاقوں پر گزشتہ رات شدید بمباری کی گئی، جس کے دوران متعدد رہائشی مکانات کو نشانہ بنایا گیا، جس سے جانی و مالی نقصان ہوا۔رپورٹ میں بتایا گیا ہے کہ حملوں کے بعد علاقے میں امدادی کارروائیاں جاری ہیں جبکہ زخمیوں کو قریبی اسپتالوں میں منتقل کیا جا رہا ہے۔اس سے قبل ایک سینئر اسرائیلی عہدیدار نے کہا تھا کہ جنوبی لبنان میں فوجی تعیناتی کے حوالے سے اسرائیل اپنے مؤقف سے پیچھے ہٹنے کا ارادہ نہیں رکھتا۔دوسری جانب خطے میں کشیدگی اس وقت مزید بڑھ گئی ہے جب امریکا اور ایران کے درمیان ممکنہ جنگ بندی معاہدے کی تفصیلات سامنے آ رہی ہیں، جس میں لبنان میں فوجی کارروائیوں کے خاتمے کا ذکر بھی شامل بتایا جا رہا ہے۔
