غزہ( مانیٹرنگ ڈیسک)حماس نے کہا ہے کہ اسرائیلی حملوں کے بعد غزہ میں موجودہ جنگ بندی بے معنی ہو گئی ہے۔ تنظیم کا کہنا ہے کہ ثالث ممالک کی امن کوششیں اسرائیل کی طرف سے نظر انداز کی جا رہی ہیں اور غزہ میں اسرائیلی کارروائیاں جاری ہیں۔ حماس نے امریکہ اور دیگر ثالث ممالک سے مطالبہ کیا ہے کہ وہ اسرائیل کو جنگ بندی کی خلاف ورزیوں سے روکے۔قبل ازیں امریکی میڈیا نے رپورٹ کیا تھا کہ واشنگٹن میں شیڈول میٹنگ کے لیے ارکان کو دعوت نامے بھیج دیے گئے ہیں۔ یہ میٹنگ امریکی صدر ڈونلڈ ٹرمپ، بورڈ ممبران اور غزہ ایگزیکٹو کمیٹی کے ارکان کی زیرِ میزبانی ہوگی۔ صدر ٹرمپ غزہ بورڈ آف پیس کے چیئرمین ہیں۔برطانیہ، فرانس اور ناروے سمیت اہم یورپی ممالک نے اس بورڈ کو اقوام متحدہ کی حیثیت چیلنج کرنے کے مترادف قرار دیتے ہوئے شمولیت سے انکار کر دیا ہے۔ بورڈ آف پیس کا مقصد حماس کو غیر مسلح کرنا اور غزہ کی تعمیر نو کو فروغ دینا بتایا گیا ہے۔میٹنگ کا ایجنڈا ابھی سامنے نہیں آیا، تاہم امریکی میڈیا کے مطابق غزہ بورڈ کا قیام صدر ٹرمپ کی پیش غزہ ڈیل کے دوسرے حصے پر عمل درآمد کے لیے کیا گیا ہے۔
