اسلام آباد( پاکستان خبر) پاکستانی ہنرمندوں اور اسکلڈ لیبر فورس کے لیے یورپ کے دروازے کھل گئے، کیونکہ اٹلی نے 10500 ورک ویزے جاری کرنے کا اعلان کیا ہے۔ نجی ٹی وی کے مطابق وفاقی وزیر داخلہ محسن نقوی نے اٹلی کے ہم منصب میٹیو پینٹے ڈوسی سے ملاقات کی، جس میں داخلی سیکیورٹی، انسداد منشیات، انسانی اسمگلنگ، دہشتگردی اور غیر قانونی امیگریشن کے خلاف تعاون پر تبادلہ خیال کیا گیا۔ملاقات کے دوران اطالوی وزیر داخلہ نے کہا کہ پاکستانی ہنرمندوں اور لیبر فورس کے لیے ویزے جاری کیے جائیں گے، جبکہ ڈپلومیٹک پاسپورٹ رکھنے والے پاکستانیوں کو ویزے سے استثنا حاصل ہوگا۔ دونوں وزرائے داخلہ نے مشترکہ مفادات کے شعبوں میں تعاون بڑھانے کے عزم کا اعادہ بھی کیا۔
