آئی ٹی سی این ایشیا پاکستانی ٹیکنالوجی کو عالمی منڈیوں سے جوڑنے کا اہم پلیٹ فارم

کیلیفورنیا( ویب ڈیسک) 28ویں آئی ٹی سی این ایشیا 2026 پاکستانی ٹیکنالوجی کی عالمی منڈیوں تک رسائی اور بین الاقوامی شراکت داری کے فروغ کا اہم پلیٹ فارم بن گئی ہے۔اسپیشل انویسٹمنٹ فیسلٹی کونسل کی معاونت سے منعقد ہونے والی تین روزہ نمائش کراچی ایکسپو سینٹر میں جاری ہے، جس میں 350 سے زائد بین الاقوامی مندوبین، 18 ہزار 500 سے زائد اعلیٰ سطح کی کاروباری شخصیات اور 75 ہزار سے زائد تجارتی افراد شریک ہوئے۔نمائش میں چین، آذربائیجان، جنوبی کوریا، آسٹریلیا، ترکیہ، مصر، برطانیہ اور سوئٹزرلینڈ سمیت مختلف ممالک کے نمائندے شرکت کر رہے ہیں۔آئی ٹی سی این ایشیا میں مصنوعی ذہانت، سائبر سکیورٹی، کلاؤڈ کمپیوٹنگ، مالیاتی ٹیکنالوجی اور ڈیجیٹل تبدیلی سمیت جدید ٹیکنالوجیز پیش کی جا رہی ہیں۔نمائش پاکستانی ٹیکنالوجی کمپنیوں اور عالمی سرمایہ کاروں کے درمیان روابط بڑھانے کے ساتھ ملکی ڈیجیٹل صلاحیتوں کو عالمی منڈیوں سے منسلک کرنے اور ڈیجیٹل معیشت کے فروغ میں بھی اہم کردار ادا کر رہی ہے۔