اسرائیل کو امریکی ہتھیار فراہم کیے جاتے ہیں، قیمت امریکی ٹیکس دہندگان ادا کرتے ہیں: جے ڈی وینس

واشنگٹن( مانیٹرنگ ڈیسک)امریکی نائب صدر جے ڈی وینس نے کہا ہے کہ اسرائیل اپنی فوجی ضروریات کے لیے زیادہ تر ہتھیار واشنگٹن سے حاصل کرتا ہے اور ان ہتھیاروں کی قیمت امریکی عوام کے ٹیکس سے ادا کی جاتی ہے۔انہوں نے اپنے بیان میں کہا کہ گزشتہ تین ماہ کے دوران اسرائیل کے دفاع میں استعمال ہونے والے تقریباً دو تہائی ہتھیار امریکہ میں تیار کیے گئے تھے۔جے ڈی وینس کے مطابق بعض حلقے امریکی صدر کو تنقید کا نشانہ بناتے ہیں، تاہم انہیں زمینی حقائق کو سمجھنا چاہیے اور حقیقت کا ادراک کرنا چاہیے۔امریکی نائب صدر نے مزید کہا کہ تشدد کے راستے سے قومی سلامتی کے مسائل حل نہیں کیے جا سکتے، اس لیے پالیسی سازی میں حقیقت پسندانہ اور متوازن رویہ اپنانا ضروری ہے۔