جیٹ فیول کی قیمت میں 7 روپے 15 پیسے کمی، نئی قیمت 231 روپے 72 پیسے مقرر

کراچی( کامرس ڈیسک) حکومت نے جیٹ فیول کی قیمت میں 7 روپے 15 پیسے فی لیٹر کمی کر دی ہے، جس کے بعد نئی قیمت 231 روپے 72 پیسے فی لیٹر مقرر کر دی گئی ہے۔جیٹ فیول کی قیمت میں کمی سے ملکی فضائی کمپنیوں کو طیاروں کے ایندھن کے اخراجات میں ریلیف ملنے کی توقع ہے، جس سے مجموعی آپریشنل لاگت میں بھی کمی آسکتی ہے۔واضح رہے کہ مشرقِ وسطیٰ میں کشیدگی اور جنگی صورتحال سے قبل جیٹ فیول کی قیمت تقریباً 188 روپے فی لیٹر تھی، تاہم بعد ازاں عالمی منڈی میں خام تیل کی قیمتوں میں اضافے کے باعث اس میں نمایاں اضافہ ریکارڈ کیا گیا تھا۔