کراچی (کامرس ڈیسک) کراچی پورٹ ٹرسٹ نے عالمی سطح پر اہم پیشرفت کرتے ہوئے کنٹینر پورٹ پرفارمنس انڈیکس میں 30 درجے بہتری حاصل کر لی ہے۔کے پی ٹی انتظامیہ کے مطابق عالمی درجہ بندی میں کراچی بندرگاہ کی پوزیشن بہتر ہو کر 69ویں نمبر پر پہنچ گئی ہے، جو اس کی کارکردگی میں نمایاں بہتری کی عکاسی کرتی ہے۔انتظامیہ کا کہنا ہے کہ کراچی پورٹ کا کنٹینر پورٹ پرفارمنس انڈیکس اسکور 30 سے بڑھ کر 45 اعشاریہ 7 ہو گیا ہے، جس سے بندرگاہ کی آپریشنل استعداد اور مجموعی کارکردگی میں واضح بہتری ظاہر ہوتی ہے۔کے پی ٹی حکام کے مطابق ادارے کا ہدف ہے کہ سال 2027 تک کراچی پورٹ کو عالمی سطح پر بہترین پچاس بندرگاہوں میں شامل کیا جائے۔
