فرانس ( سپورٹس ڈیسک) معروف فٹبالر اور ریال میڈرڈ کے سابق اسٹار کریم بینزیما نے مسجد الحرام، مکہ مکرمہ سے عمرے کی ادائیگی کی تصویر سوشل میڈیا پر شیئر کردی۔تصویر میں 38 سالہ کریم بینزیما احرام کی حالت میں دکھائی دے رہے ہیں، جبکہ کیپشن میں انہوں نے لکھا، ’ہر چیز کے لیے الحمدللّٰہ‘۔کریم بینزیما اس وقت کسی فٹبال کلب سے وابستہ نہیں ہیں۔ الہلال اور بینزیما نے باہمی رضامندی سے معاہدہ ختم کردیا تھا، جس کے نتیجے میں سعودی کلب کے ساتھ ان کا مختصر 6 ماہ کا سفر اختتام پذیر ہوگیا۔الہلال کے ساتھ مختصر قیام کے باوجود بینزیما کی کارکردگی نمایاں رہی۔ انہوں نے تمام مقابلوں میں 16 میچز کھیلے، 10 گول اسکور کیے اور 5 معاونت فراہم کیں، جبکہ کلب کے ساتھ کنگز کپ بھی اپنے نام کیا۔بینزیما کی اپنے سابق کلب لیون میں واپسی کی قیاس آرائیاں بھی سامنے آتی رہی ہیں، جہاں سے انہوں نے اپنے پیشہ ورانہ فٹبال کیریئر کا آغاز کیا تھا۔لیون کے اسپورٹنگ ڈائریکٹر میتھیو لوئس ژاں نے تصدیق کی کہ رواں موسمِ گرما میں ایک ثالث کے ذریعے بینزیما سے رابطہ ہوا تھا، تاہم ان کے معاہدے کے باعث یہ معاملہ آگے نہیں بڑھ سکا۔دوسری جانب متحدہ عرب امارات کے دوسرے ڈویژن کے کلب ارے بیئن فالکنز نے بھی بینزیما سمیت متعدد معروف آزاد کھلاڑیوں کو تربیت حاصل کرنے اور کلب کی نمائندگی کرنے کی دعوت دی ہے۔
