جاپان( سپورٹس ڈیسک)جاپان کے سابق فٹبالر کیسوکے ہونڈا نے کہا ہے کہ ایران کی قومی ٹیم کی فیفا ورلڈ کپ میں شرکت کی حمایت کرنے کے بعد ایک امریکی کمپنی نے ان کے ساتھ طے پانے والا اشتہاری معاہدہ منسوخ کر دیا۔رپورٹس کے مطابق کیسوکے ہونڈا نے سوشل میڈیا پلیٹ فارم ایکس پر ایک پیغام میں لکھا کہ یہ ایک حساس معاملہ ہے لیکن وہ ذاتی طور پر چاہتے ہیں کہ ایران کی ٹیم ورلڈ کپ میں شامل ہو۔ان کے اس بیان کے بعد امریکی کمپنی نے ورلڈ کپ کے دوران چلنے والے اشتہاری منصوبے کو روک دیا اور معاہدہ منسوخ کر دیا۔سابق جاپانی اسٹار نے اس فیصلے پر مایوسی ظاہر کرتے ہوئے کہا کہ بعض کمپنیاں اصل مسئلے کو سمجھے بغیر ایسے اقدامات کر لیتی ہیں۔ انہوں نے مزید کہا کہ اصول اور نظریات کے بغیر کسی کے ساتھ کام جاری رکھنا ممکن نہیں۔واضح رہے کہ ایران کی قومی فٹبال ٹیم کی فیفا ورلڈ کپ میں شمولیت کے حوالے سے حالیہ دنوں میں کافی بحث جاری ہے، جس کی وجہ خطے میں بڑھتی کشیدگی اور سیاسی حالات ہیں۔
