آزاد کشمیر احتجاج کے پیچھے بھارتی سرپرستی رکھنے والے عناصر موجود ہیں: خواجہ آصف

اسلام آباد( پاکستان خبر) وزیر دفاع خواجہ آصف نے آزاد کشمیر میں جاری احتجاج کے معاملے پر ردعمل دیتے ہوئے کہا ہے کہ احتجاج کے پس پردہ موجود عناصر کے خلاف کارروائیاں جاری ہیں۔خواجہ آصف نے کہا کہ وہ آزاد کشمیر کے عوام کے شکر گزار ہیں، تاہم ان کا دعویٰ ہے کہ احتجاج کے پیچھے بھارتی سرپرستی رکھنے والے عناصر موجود ہیں جو ملک کے اندر بیٹھ کر سرگرم ہیں۔وزیر دفاع کا کہنا تھا کہ احتجاج کے دوران استعمال کیے جانے والے بعض الفاظ کسی بھی محب وطن پاکستانی کی زبان سے نہیں نکل سکتے، چاہے اس کا تعلق کسی بھی علاقے یا قومیت سے ہو۔انہوں نے کہا کہ ان کے خلاف کی جانے والی تنقید یا بیانات سے انہیں کوئی فرق نہیں پڑتا، جبکہ ریاستی ادارے صورتحال سے نمٹنے کے لیے اقدامات کر رہے ہیں۔