خواجہ آصف کی ایتھوپیا، روانڈا اور تاجکستان کے سفارتی نمائندوں سے ملاقاتیں

اسلام آباد (پاکستان خبر) وزیر دفاع خواجہ محمد آصف سے ایتھوپیا، روانڈا اور تاجکستان کے سفارتی نمائندوں نے الگ الگ ملاقاتیں کیں، جن میں دوطرفہ تعلقات اور باہمی دلچسپی کے امور پر تبادلہ خیال کیا گیا۔ترجمان وزارت دفاع کے مطابق ایتھوپیا کے سفیر ڈاکٹر عمر حسین اوبا، روانڈا کی ہائی کمشنر ہریریمانا فاتو اور تاجکستان کے سفیر یوسف شریف زودہ نے وزیر دفاع سے ملاقات کی۔ملاقاتوں کے دوران دفاع اور ہوا بازی کے شعبوں میں تعاون بڑھانے کے امکانات پر بھی گفتگو ہوئی۔خواجہ آصف نے کہا کہ پاکستان تینوں ممالک کے ساتھ دوطرفہ تعلقات کو مزید مستحکم کرنے اور باہمی مفادات پر مبنی تعاون کو فروغ دینے کا خواہاں ہے۔ترجمان وزارت دفاع کے مطابق سفارتی نمائندوں نے پاکستان کے ساتھ جاری تعاون کو سراہا اور مختلف شعبوں میں باہمی تعاون مزید بڑھانے کی خواہش کا اظہار کیا۔