خوشدل شاہ کے بھارت کے خلاف میچز میں امپائرنگ پر ریمارکس، سوشل میڈیا پر بحث شروع

لاہور ( سپورٹس ڈیسک)پاکستانی آل راؤنڈر خوشدل شاہ نے ایک حالیہ پوڈ کاسٹ میں بھارت کے خلاف میچز سے متعلق اپنے تجربات پر گفتگو کرتے ہوئے مختلف پہلوؤں پر رائے دی ہے۔ان کا کہنا تھا کہ پاکستان اور بھارت کے درمیان میچز کے دوران دباؤ بہت زیادہ ہوتا ہے اور بعض اوقات کچھ فیصلے بھارت کے حق میں جاتے دکھائی دیتے ہیں، جن میں امپائرنگ کے بعض فیصلے اور ڈریسنگ روم سے متعلق امور بھی شامل ہوتے ہیں۔خوشدل شاہ کے مطابق ایسے حالات کے باوجود پاکستان کی جانب سے بھارت کے خلاف کامیابی حاصل کرنا کھلاڑیوں کے لیے ایک خاص قسم کا اطمینان اور خوشی کا باعث ہوتا ہے۔انہوں نے مزید کہا کہ پاک بھارت مقابلے ہمیشہ جذباتی اور دباؤ سے بھرپور ہوتے ہیں، اور ان میچز میں کامیابی کا مزہ بھی اسی وجہ سے زیادہ ہوتا ہے۔ان کے اس بیان کے بعد سوشل میڈیا پر بحث شروع ہو گئی ہے، جہاں مختلف صارفین اس پر اپنی آراء کا اظہار کر رہے ہیں۔