لاہور – تھانہ شاہدرہ پولیس نے شہریوں سے زبردستی 'عیدی' وصول کرنے کے الزام میں اپنے ہی 6 کانسٹیبلز کے خلاف مقدمہ درج کر لیا ہے۔ حیران کن طور پر، ان اہلکاروں کے خلاف دی پنجاب ویگرنسی آرڈیننس 1958 (گداگری ایکٹ) کی دفعہ 9 لگائی گئی ہے، یعنی انہیں قانونی طور پر 'بھکاری' تصور کرتے ہوئے کارروائی کی گئی ہے۔
ایف آئی آر نمبر 2548/26 کے مطابق، نامزد اہلکار 20 مئی کی رات برکت ٹاؤن پُل پر محافظ سکواڈ کی ڈیوٹی پر مامور تھے۔ ایف آئی آر کے متن میں بتایا گیا ہے کہ یہ اہلکار راہگیروں اور گاڑیوں کو روک کر عیدی کے بہانے پیسے مانگ رہے تھے۔ مقدمہ ایک شہری محمد سلیم کی شکایت پر درج کیا گیا جس نے بتایا کہ ان اہلکاروں نے اسے روک کر زبردستی 6500 روپے عیدی کے نام پر وصول کیے۔
مقدمے کے مدعی سب انسپکٹر امجد حسین باجوہ نے موقف اختیار کیا ہے کہ سرکاری ملازم ہوتے ہوئے معزز شہریوں سے اس طرح پیسے مانگنا گداگری ایکٹ کے زمرے میں آتا ہے۔ واقعے کی مزید تفتیش شروع کر دی گئی ہے