لاہور( سپورٹس ڈیسک)پاکستان کی نوجوان کھلاڑی ماہنور علی نے انٹرنیشنل جونیئر اسکواش چیمپئن شپ کے فائنل میں جگہ بنا لی ہے۔ملائیشیا کے دارالحکومت کوالالمپور میں جاری ایونٹ کے سیمی فائنل میں ماہنور علی نے ایشیا کی ٹاپ سیڈ سنگاپور کی کھلاڑی جیکینتا ہان کو سخت مقابلے کے بعد دو کے مقابلے میں تین گیمز سے شکست دی۔پشاور سے تعلق رکھنے والی علی سسٹرز میں سب سے کم عمر ماہنور علی نے عمدہ کھیل کا مظاہرہ کرتے ہوئے فائنل تک رسائی حاصل کی اور اب ان کی نظریں ٹائٹل پر مرکوز ہیں۔دوسری جانب ان کی بڑی بہن سحرش علی سیمی فائنل میں ملائیشیا کی کھلاڑی محمد خیرالنظام میسرہ کے خلاف ایک کے مقابلے میں تین گیمز سے شکست کے بعد ایونٹ سے باہر ہو گئیں۔
