یکم جولائی سے گاڑیوں پر ٹیکسز میں بڑی تبدیلیاں، نئی شرطیں نافذ

اسلام آباد (کامرس ڈیسک) حکومت نے یکم جولائی سے گاڑیوں کی مختلف کیٹیگریز پر عائد ٹیکسز میں رد و بدل کر دیا ہے۔پارلیمنٹ سے منظور شدہ فنانس بل کے تحت وفاقی حکومت نے درآمدی گاڑیوں پر نئی ڈیوٹی اور ٹیکس شرحیں مقرر کر دی ہیں۔ 2000 سے 3000 سی سی تک کی درآمدی گاڑیوں پر 86 فیصد ڈیوٹی جبکہ 3001 سی سی یا اس سے بڑی گاڑیوں پر 92 فیصد ڈیوٹی لاگو ہوگی۔فنانس بل کے مطابق بعض کیٹیگریز میں ڈیوٹی اور ٹیکس کی شرح کم بھی کی گئی ہے۔ 1800 سی سی گاڑیوں پر مجموعی شرح 156 فیصد سے کم کر کے 74 فیصد، جبکہ 1500 سی سی سے بڑی گاڑیوں پر 91 فیصد سے کم کر کے 57 فیصد مقرر کی گئی ہے۔اسی طرح 1000 سے 1500 سی سی تک گاڑیوں پر شرح 76 فیصد سے کم کر کے 52 فیصد اور 850 سی سی گاڑیوں پر 66 فیصد سے کم کر کے 42 فیصد کر دی گئی ہے۔